وربي أحبك
وربي أحبك يا منى الروح بالحيـل
يا نبض قلبي
وشوف عيني
وذاتي
عقب المفارق سال دمعي كما السيل
وأظلم علي الكون
وأقفـت حياتـي
مشتاق لك يا نجمةٍ تضـوي بليـل
معتـم وإذا بنتـي تبعثـر شتاتـي
نورك سطع
وأطغا على نجمة سهيل
وطيفك حرمنـي بالليالـي المباتـي
يا ويل قلبي
في الليالـي المقابيـل
ويا ويل عيني من بكاي وسكاتـي
ويا ويل روحي والمشاعر
ويــــــــا ويل
منهو حبيبه ضـاع منـه شراتـي
أنا بدونك صـار وجـدي تهاويـل
كنـي يتيـمٍ مـا لقالـه ولاتــي
أبكي على وقتٍ مضـى بالمراسيـل
.. والحين ..
والحين كل شي إنتهى يـا غناتـي
بحكي حكايتنـا لجيـلٍ ورا جيـل
يتناقلوها النـاس حتـى بمماتـي
وببقى أحبك
لو عيالـي رجاجيـل
وزوجت أصغرهـم وآخـر بناتـي
وربي أحبك
يامنى الروح بالحيل
يانبض قلبي
وشوف عيني
وذاتي
الكاتب // عشـّاق
